Мени

Вегетаријански предлог

Вегетаријанството се случува како избор и е резултат на повисоко ниво на свесност.

Не постојат строги правила околу изборот на храната, но секако на поискусните практиканти спонтано им се менува вкусот и потребата за храна. Да се стане посвесен за своите мисли, дела, зборови и потреби, значи да се има длабок и искрен увид во нештата онакви какви што навистина се. Се менува односот кон храната, се јаде умерено, свесно, се изострува вкусот и потребата за свежа и сирова храна, додека природно и спонтано се отфрла конзервираната, пржената, вештачката храна.

За оние кои се определиле за вегетаријанството или пак повремено се хранат на тој начин, наш веге предлог е печурката-БУКОВКА. Буковката(pleurotus ostreatus) е хранлива печурка која содржи сложени шеќери кои не им штетат на дијабетичарите, содржи и натриум, калиум, калциум, фосфор, манган, железо, витамини А,Ц,Б1,Б2,Д, и К. По хранливата вредност буковката го зазема местото помеѓу зеленчукот и месото. Содржи 15% суви материи од кои половината се белковини кои сочинуваат комплетен аминокиселински состав сличен на аминокиселините од месото. Содржи и етерични масла кои го регулираат апетитот и работата на цревата. Буковката го намалува холестеролот и шеќерот во крвта, а има и антиканцерогено својство. Древните цивилизации на Кина и Јапонија, не учат дека печурките може да ги проучуваме и како лек, помошно лековито средство или еликсир кој содржи широк спектар на биолошки активни супстанци. Интересот е стимулиран и од големиот број научни трудови кои секојдневно се работат за печурките со медицински својства. До сега е воспоставено дека составот на Буковката помага при следниве состојби:

Го зајакнува имуниот систем
Го регулира нивото на холестерол и шеќер во крвта
Смирува хронични инфекции
Го забрзува метаболизмот
Го убрзува обновувањето на цревната флора.
Го регулира крвниот притисок
Го ублажува процесот на стареење

Елена Котевска, дипл. инжинер агроном

Производство на Буковки